جينه ننشد كربله امضيعينها
بسم الله الرحمن الرحيم
الشاعر: الحاج زاير (جينه ننشد كربله امضيعينها)
الشهادة السيدة زينب عليها السلام
جينه ننشد كربله امضيعينها | بيها زينب گالوا أميسرينها | |
أسروهه ولاله واحد فزع | شال حادي اضعونه ابساع اوگطع | |
جينه ننشد وين أبو فاضل وگع | ما تدلونه الشريعه وينه | |
بس أشوفه والعتب منّي يزود | وأدري بوفاضل على النخوه يجود | |
عذره حگه يگول مگطوعه الزنود | اوحال ملچ الموت بينه وبينها | |
جينه ننشد كربله اعليها انعتب | انگول هاي ارجال واتدور الغلب | |
حرمه زينب بيش مطلوبه ابذنب | فوگ چتل احسين واميسرينها | |
أرد أنشدچ كربله عن النزل | اشلون ضعن الرحم شال ابلا دليل | |
انچنان گلتيلي يعاونها العليل | بالمرض مشدوه وينه او وينها | |
أرد أنشدچ خيمگه عن النزل | بالله خبريني وگولچ ما يزل | |
زينب اترچب اليتامه على الهزل | يو علي السجاد گام ايعينها | |
جينه ننشد عالعليل امن انوله | فوگ ضعف المرض هالبلوه ابتله | |
اشلون جسمك سيدي امن المرض باد | ماحصل واحد حظه ابتچفينها | |
جينه ننشد كربله عن العيال | اشلون گلي ابلا ولي هالضعن شال | |
خلوا السبعين من غير الاطفال | امذبحه ويلي ولا مسجينها | |
جينه ننشد كربله والدمع زاد | بيها اميه گضت بحسين المراد | |
كربله اعليها بچت سبع الشداد | وين شيعتها اشسبب ناسينها | |
ارد انشدچ هم صدگ بالشام عيد | اوحطوا ابطشت الذهب راس الشهيد | |
اومن نشد زينب ابديوانه يزيد | جاعده يو واجفه امخلينها |
النصاريات الكبري صفحة 74