فك احسين عينه والدمع خر
بسم الله الرحمن الرحيم
الشاعر: الشيخ محمد بن نصار(فك احسين عينه والدمع خر)
الشهادة السيدة زينب عليها السلام
جواب الحسين عليه السلام لاُخته زينب عليها السلام…
فك احسين عينه والدمع خر | ليلو فوگ جرعه بجلّب احمر |
ناداها ابضعيف الصوت يختي | مهو حچيچ شعب گلبي دسكتي | |
ينور العين خليني ابمهجتي | اعالجها ترى گلبي تمرمر | |
بچت عنده أو صاحت له يعگلي | يروحي أو نور وجهي اوباجي اهلي | |
يخوي احسين شتهيس دگلي | يخويه يا صواب اليوجع اكثر | |
يگلها اصواب البوجهي بضدني | ولبراسي حمس چبدي اوفتني | |
ولبضلعي بهض حيلي أو ضهدني | ولبگلبي يخويه يوجع اكثر | |
يخويه يابس امن العطش چبدي | يخويه والترابه احرگت زندي | |
يخويه والشمس ذوبت خدي | دَفَيّيلي ابردن ثوبچ امن الحر | |
ويخويه ما احب سكنه تجيني | تشوف اجروحي أو تسمع ونيني | |
مالي گلب اشوفنها ابعيني | ذليله مالها والي الينغر | |
يخويه لا تليعي الگلب بالله | وببنيي علي هلة هالله | |
يخويه من بعد عيني الكم الله | وذكريني أو كل امصاب يزغر | |
يحاچيها أو تصب عينه ادموعه | لن گلبه انخفى واحنت اضلوعه | |
غمض عينه أو صارت بيه موعه | هوت أو دمعها اعليه ينثر | |
تشمّ احسين وتجلب ابجرحه | اولن الشمر يدفعها ابرمحه | |
گومي يو اذبحچ فوق ذبحه | وخليها ابعمر الدهر تذكر |
النصاريات الكبري صفحة 41.