لمن شافته صفگت بديها
بسم الله الرحمن الرحيم
الشاعر: الشيخ محمد بن نصار(لمن شافته صفگت بديها)
الشهادة السيدة زينب عليها السلام
حمل رأس الحسين عليه السلام على الرمح
| راس الحسين فوگ الرمح مسفر | مثل البدر بالظلمه ينوّر |
| لمن شافته صفگت بديها | أوشگت ثوبها ويلي عليها | |
| ما نلام من شافت وليها | فوق الرمح راسه ايلوح بالبر | |
| سالت عينها بدموعها اعليه | أو شالت راسها وتلفّتت ليه | |
| خفگ ويلي گلبها واومت اعليه | أو صاحت باچيه ابصوت امذعّر | |
| يسور المرمر الماله مصاعيد | يَصِلّ الرمل يمنفر العرابيد | |
| يطير السعد يمعذب الصياييد | حاطت بيه فوق الرمح وكر | |
| عسى ابعيد البلا راسك امعلگ | يخوي أو جثتك بگفره سملگ | |
| أو گلب اختك يخوي اساع خفگ | أو طار اوحام عد راسك أو فرفر | |
| اويلي اتلا گفواراسك بالرماح | أو شيبك آه تلعب بيه الارياح | |
| ومصوت عدونا بالغنا صاح | انذلنه امكيّف أو بالنصر مِستَر | |
| يا شيال راس احسين ريض | جيم ابراس اخيي لا تعرض | |
| شوف الدمع من عيني يفيض | اونار الگلب لفراگه تسعر | |
| يا شيال راس احسين گصّر | ترى گلبي على افراقه تفطّر | |
| يشايل راس حامينه اولينه | ريض خلي اتودعه اسكينه | |
| ليش احسين ساچت عن ونينه | قلى تعب يوجرحه تخدر | |
| يا شيال راسه لا تلوحه | أو هبط عن بقايا الروس رمحه | |
| اخاف ايفوت ريح الهوى ابجرحه | واصوابه عليه ايگوم يسعر | |
| يا شيال راس احسين سدره | رده الجثه أو وسده ابگبره | |
| يخايب شفت هاذي گبل تجره | ابقفره جثته أو راسه امسيّر | |
| يا شيال نعشه لا توجعه | اخافن تلچم جرح البضلعه | |
| دريض لي اريد اسّا اودعه | أو هذا افراگنا ما بعد مسدر | |
| يا شيال نعش المات مظلوم | على الشاطي أو عن الماي محروم | |
| تحوم اگلوبنا فوق النعش حوم | اخويه الطاح مثل النجم من خر | |
| يا شيال نعش احسين بهداي | أو بالله دحط تابوته على الماي | |
| اريد اوگف وغسلنه ابيمناي | وشوف اصواب گلبه ما تغيّر | |
| رفع بعنادها راسه اوشاله | أو خيب زينب أو يتم اطفاله | |
| بسما شاله أو شافوا عياله | اجت سكنه تصحيح الله واكبر |
المصدر: النصاريات الكبري صفحة 41.
